ఆగస్ట్ 21న ‘ది రెడ్ బ్యాగ్’ భారీ ఎత్తున రిలీజ్

మెమరీ మేకర్స్ బ్యానర్ మీద హరికృష్ణ సోమిశెట్టి నిర్మించిన చిత్రం ‘ది రెడ్ బ్యాగ్’ ఆగస్ట్ 21న భారీ ఎత్తున రిలీజ్ చేసేందుకు ముహూర్తం ఫిక్స్ చేశారు. ఈ మూవీకి రవి కుమార్ సీరపు దర్శకత్వం వహించారు. ఈ సినిమాలో కబీర్ సింగ్, ప్రసాద్ బెహరా, రాధ్య, మోనిక, ఆకాంక్ష, ఈషాన్ శంకర్, అవినాష్ బాదల్, భార్గవి, రాశీ తదితరులు ముఖ్య పాత్రలను పోషించారు. ఇప్పటి వరకు రిలీజ్ చేసిన పోస్టర్లు, గ్లింప్స్, టీజర్ అందరినీ ఆకట్టుకున్నాయి. మ్యూజికల్ ప్రమోషన్స్‌లో భాగంగా విడుదల చేసిన పాటలు యూట్యూబ్‌లో ట్రెండింగ్‌గా నిలిచాయి. ఎన్నో బ్లాక్ బస్టర్ చిత్రాల్ని రిలీజ్ చేసి విజయాలు అందుకున్న పీవీఆర్ ఐనాక్స్ పిక్చర్స్ వారు ఈ ‘ది రెడ్ బ్యాగ్’‌ను రెండు తెలుగు రాష్ట్రాల్లో భారీ ఎత్తున విడుదల చేయబోతోన్నారు. ఇప్పటికే సినిమాపై అందరిలోనూ అంచనాలు పెరిగాయి. మున్ముందు మరిన్ని ప్రమోషనల్ కంటెంట్‌తో హైప్‌ను పెంచనున్నారు. ఈ చిత్రానికి ప్రియేష్ గురుస్వామి కెమెరామెన్‌గా, శివ శర్వాణి ఎడిటర్‌గా, శేఖర్ మోపురి సంగీత దర్శకుడిగా పని చేశారు